喵喵芝的無聊國度

很久沒有更新網誌了，這段時間發生了很多時，公司有翻天覆地的大變動，我所認識的同事一個個離開，終於，今天也輪到我last day，要轉新工了，去到一個我不熟悉的工作範疇。是挑戢也好，轉變也好，一切從新開始，希望明天會更好。

 

我最近又養多一隻新貓，叫何詩詩，何B一見到佢就當正係自己個女，跟出跟入，估唔到何B絕育後，仍然有機會做阿媽，真係凡事無絕對。

 

 

 

 

最近同事間新興玩「鬥地主」，其實同鋤大D差不多，但係就兩個人打一個人，好鬼緊張刺激﹗呢排大家一放工就約埋一齊玩，尋晚又玩天光。今日放假，約左舊同事聚舊，又教曉佢地玩鬥地主，點知大家欲罷不能，一玩又一日，地主魅力果然沒法擋。

 

做野之嘛，咁都畀人性騷擾既。

 

話說我老細叫我打電話上遼寧公安局CONFIRM一單集體性交案，睇下有冇人報過案。個PK公安唔知詐傻定扮懵，話唔知咩叫性交，咁我就話，即係性行為，佢似知唔知咁話：「啊﹗性行為.......」，佢話冇聽過單案，以為咁就算啦，點知條友竟然問：「你有沒有跟人發生性行為？」嚇到我收線到收唔切，佢咁既行為，仲可以做公安既？頂﹗

只係去左江西一個禮拜者，但何B竟然大隻左，仲要得個三、四個月就起水，有冇咁早熟呀？要快快帶佢去絕育先得。

 

從江西返黎之後，諗左好多野，過去學了很多東西，風水呀、編劇呀、結他呀、攝影呀，但好像沒有什麼用處，自問自己也未必會用這些技倆搵食，曾徹徹底底想過自己究竟是否浪費錢。不過，今次江西之旅，竟然激發起我寫一本小說的念頭，可以我學到的東西炒埋一碟，算叫學以致用。至於係乜小說，遲D先透露。

 

 

1.  跳上梳化唔記得出爪，結果沿住梳化邊"SIR"返落黎。

2.  在細佬張床上玩到癲左，碌左落地。

3.  拖地時，狂追地拖，但因為個地好跣，不但跣梯趴左在地，轉彎時仲大ball out。

4.  捐入食飯枱的餸罩裏面扮餸。

5.  今日幫佢轉用豆腐砂，但佢竟然當零食食落肚，乜豆腐哂好好食架咩？

6.  跳上高處時，用前爪抓住椅或枱的邊皮，但又不夠力做引體上升，結果半天吊。

7.  在椅背行catwalk，但因為椅背識郁，一不小心向前傾，嚇到毛髮豎起。

8.  唔識做model，影相時成日哄埋鏡頭前，結果outfocus，成張相矇哂﹗

9.  坐在梳化上扮睇電視。

10.自己跳入膠袋裏面出唔返黎，在膠袋裏爭札一陣先出到黎。