chee's profile喵喵芝的無聊國度PhotosBlogListsMore  |  Tools Help |
|
喵喵芝的無聊國度September 12 911報復？今天重看了一遍我寫的blog，原來看回過去，是很有趣的事，難怪那麼多人愛寫日記。看來我要加把勁，努力update這個blog。
今天上網，看到有人悼念911，才想起7年前正是世貿遭恐怖襲擊的大日子。剛巧今日金股匯巿同樣被恐怖襲擊，港股跌穿去年「817」低位，金價又穿750美元牛熊關鍵，就連歐元、澳元、紐西蘭元都跌穿重要關口。所有資金通通流回美國，救他們垂死的經濟。美國佬呀，報仇請找拉登，不要連累無辜小投資者。
ps: 今天正正在新公司工作了一週年零一天，看着股巿去年大上，今日又大落，股民由亢奮到極到悲觀，真是百感交集。 September 02 心血來潮已經很久沒有打理過這個部落格，主要因為很久沒有在屋企上網。今天突然心血來潮，再次重來，發現對上一次更新部落格，足足是一年前。很想更新這個blog, 雖說自已每天都以寫字為生，但要求其找些話題出來，也不容易，我呆坐了足足十五分鐘才懂得開筆，而且內容還是超級無聊的，寫了等於沒有寫一樣，很切合我「無聊國度」的主題嘛。
原來為寫blog而寫blog, 都真係幾煩惱。 September 03 一齊從新開始很久沒有更新網誌了，這段時間發生了很多時，公司有翻天覆地的大變動，我所認識的同事一個個離開，終於，今天也輪到我last day，要轉新工了，去到一個我不熟悉的工作範疇。是挑戢也好，轉變也好，一切從新開始，希望明天會更好。
我最近又養多一隻新貓，叫何詩詩，何B一見到佢就當正係自己個女，跟出跟入，估唔到何B絕育後，仍然有機會做阿媽，真係凡事無絕對。
May 23 要搬地頭了﹗雖然已經好耐冇寫blog，有朋友仲以為我封筆唔寫。
其實都係自己懶，
每次執筆想寫blog時，都會諗：「不如聽日先算啦。」
如是者，日復一日，月復一月，咁就過左一個月啦。
如果唔係好友karen叫我喺佢地頭寫返blog，
可能都唔會再喺呢度寫嘢﹗
仲記得blog的第一篇就問大家，呢個blog維持到幾耐，
估唔到，竟然可以維持八個月﹗﹗嘩嘩﹗
其實講咁多，都係想同大家講：
無聊國度要搬屋啦，搬左去呢度：
記住得閒幫襯下﹗ April 23 全城投入鬥地主最近同事間新興玩「鬥地主」，其實同鋤大D差不多，但係就兩個人打一個人，好鬼緊張刺激﹗呢排大家一放工就約埋一齊玩，尋晚又玩天光。今日放假，約左舊同事聚舊，又教曉佢地玩鬥地主，點知大家欲罷不能，一玩又一日，地主魅力果然沒法擋。
April 20 頂做野之嘛，咁都畀人性騷擾既。
話說我老細叫我打電話上遼寧公安局CONFIRM一單集體性交案，睇下有冇人報過案。個PK公安唔知詐傻定扮懵，話唔知咩叫性交，咁我就話，即係性行為，佢似知唔知咁話：「啊﹗性行為.......」，佢話冇聽過單案，以為咁就算啦，點知條友竟然問：「你有沒有跟人發生性行為？」嚇到我收線到收唔切，佢咁既行為，仲可以做公安既？頂﹗ |
||||
|
|
